Muntatisi i ddruac’appinninu, i ddruac’adiértu e… lessico brutio

Muntavutu (Montalto Uffugo: si chiama accussì picchì Mussolini ija truvannu discendenze romane a tutti i rasi e quindi l’hann’accuntintatu diciènnu  ca deriva dall’antica Aufugium) mo’ tena, chiù o menu, 20 000 abitanti. chissu significa ca 20 000 pirsuni, chi stannu intru pajisi veru e propriu  e  a Carduchianu,  Cummiceddri, Lucchetta, ar’u Scalu, Parantuonu, Chianette, Sannicòla, Sarrafele, Salierni, Santa Maria a Castagna, Sant’Antonieddru, Siettimo, Taverna e Vaccarizzu, si ponnu chiamà muntatisi residenti.
Sì, ma quanti su’ i muntatisi ca nun stannu cchiù a Muntavutu?
E chin’u sa? …
Chiru ca sacciu è che muntatisi e discendenti di muntatisi i truòvi adduvi va va.
N’heju truovatu a Torinu, a Milanu, a Genova, Trieste, a Padova, a Firenze, a Bologna, a Bari, a Roma e Napuli nun vi dicu quanti, … insomma in Italia su spirnuzzati cumu migliu ppi ri gaddrini. Ma puru ar’u Belgiu, ar’a Svizzira, ar’a Francia e soprattutto in Germania. Ddruòcu ancora facile truvà muntatisi nati a Muntavutu.
A ra Merica, mmeci a maggioranza di muntatisi su discendenti di gente ca sinn’è juta du pajisi prima da sicunna guerra mondiale o subbitu doppu. I truòvi a ru Cannataru, a ra Merica (Stat’Uniti, Washintuono, Nova York), all’Argentina soprattutto,  ar’u Brasili e a ru Venezzuela.
Cumu fazzu a dì quanti sunnu? (Avissa di dì quanti simu) … Un ci puozzu resci mancu si lavuru di fantasia. D’intuitu però mi para ca puozzu dì ca su cchiù du duppiu di muntatisi residenti…
Chi tenanu in cumuni i muntatisi sparsi su munnu munnu? Intantu ppì chini cc’è natu e su ricorda, na nostargia du pajisi ch’è quasi na malatia.
Pu’ u piaciri di pinzà e parrà u dialettu, e ppi certi, puru du scrivi.
E si ni firmamu a ci pinzà na picca, facim’a scoperta ca cci su differenze, certi voti granni cumu na casa tra u mod’i parrà du pajisi e chiru di frazzioni (a Muntavutu si dicia cravatta e conza presempiu e a Vaccarizzu si dicia scolla e cuònzu….
Ma pur’a parrata d’a Pirrera è diversa di chira d’a Serra o d’Arriét’u Pizzu, Avant’a Sannuminicu i stessi cosi si dicianu diversi ch’a ri Mamuni. A nord a parrata para chiù chira da Muntagna, a Sud assimiglia di cchiù a ru Cusintinu. Intr’u stessu Pajisi.
Su’ differenze minime ma tinn’accuòrgi ‘mprima si i provi a scrivi, certi paroli… presempio heju scrittu accuòrgi, cumu si dicia arrièt’u Pizzu ma sacciu c’a da Serra a Sannuminicu scrivanu accuargi, ccussì cumu Heju scrittu tanti diciani Iju è scrittu…

Mè, ppi d’oj stativi bbuòni (o buàni si vi piacia di chiù) ca sugnu stancatu.
A ra prossima

Rispondi

Inserisci i tuoi dati qui sotto o clicca su un'icona per effettuare l'accesso:

Logo di WordPress.com

Stai commentando usando il tuo account WordPress.com. Chiudi sessione /  Modifica )

Google photo

Stai commentando usando il tuo account Google. Chiudi sessione /  Modifica )

Foto Twitter

Stai commentando usando il tuo account Twitter. Chiudi sessione /  Modifica )

Foto di Facebook

Stai commentando usando il tuo account Facebook. Chiudi sessione /  Modifica )

Connessione a %s...